गोळ्याचा भात रेसीपी मराठीत | खमंग गोळा भात गोळा भात । विदर्भ स्पेशल गोळा भात| Gola Bhaat Recipe in Marathi | Nagpuri Gola bhat | gola bhat। Vidharbha special
साहित्य-
- ४ वाट्या जुने तांदूळ,
- २ वाट्या चण्याच्या डाळीचे जाडसर पीठ,
- अर्धी वाटी दाण्याचा कूट,
- पाव वाटी कोरड्या खोबऱ्याचा कीस,
- २ चमचे धणेपुड,
- १ चमचा जिरेपुड,
- तिखट,
- मीठ,
- कोथिंबीर
फोडणीचे साहित्य,
- लिंबू,
- साखर,
कृती-
- थोडे जास्त तेल घालून फोडणी करावी.
- त्यात चण्याचे पीठ टाकून ते थोडे भाजावे.
- खाली उतरवून त्यात चवीनुसार तिखट, मीठ धणे जिरे पूड, दाण्याचा कूट, खोबऱ्याचा कीस घालून पाण्याने पीठ भिजवावे व
- त्या पिठाचे लहान गोळे करावेत.
- भात करण्यापूर्वी अर्धा तास तांदूळ धुवून ठेवावेत.
- नंतर थोड्या वेळावर तांदूळ परतून पाणी घालून भात शिजवावयास ठेवावा.
- भात शिजत असताना त्यात चवीला मीठ, थोडे तिखट, थोडी साखर व लिंबाचा रस घालावा.
- भात अर्धवट शिजल्यावर तयार केलेले गोळे त्यावर घालून हलक्या हाताने भात खालीवर करावा व
- झाकण ठेवून मंद आचेवर भात, पूर्ण शिजवावा.
- एका लहान कढईत तेलाची मोहरी, हिंग टाकून फोडणी करावी.
- भात वाढायच्या वेळी त्यावर कोथिंबीर टाकावी
- व पानात भात वाढल्यावर वरील तयार केलेली हिंगाची फोडणी (गरम) त्यावर वाढावी.
- हा भात फारच चवदार लागतो.
- वडाभाताप्रमाणे तेल घेऊन चवदार लागतो.
- पूर्वी चुलीवरच्या स्वयंपाकात संध्याकाळी हा भात नेहमी करीत असत,
- कुकरमध्ये हा भात करता येत नाही.
- गॅसवर पातेल्यात सुटाच करावा लागतो.
- कारण गोळे अर्धवट शिजलेल्या भातावर टाकावे लागतात.
- भात असल्यावर पोळ्या कमी लागतात.
कोणत्याही टिप्पण्या नाहीत
Please do not enter any spam link in the comment box.