दोडके भात रेसीपी मराठी | कैरीचा भात | Dodake Bhat / Rice Recipe in Marathi | Kairi Bhat | Mango Rice
साहित्य-
- २ वाट्या तांदूळ,
- अर्धा किलो कोवळे दोडके,
- २-३ हिरव्या मिरच्या,
- आल्याचा लहान तुकडा,
- १ चमचा धणेपुड,
- १ चमचा जिरेपुड,
- मीठ,
- १ वाटी ताक,
- थोडी हळद,
- कोथिंबीर,
- आले,
- खोबरे,
- फोडणीचे साहित्य, हिंग.
कृती-
- प्रथम तांदूळ भाजून चार तास पाण्यात भिजत घालावेत.
- नंतर उपसून ठेवावेत.
- दोडके कडू गोड बघून घ्यावेत.
- कारण बरेच वेळा दोडके कडू असतात म्हणून थोडा तुकडा खाऊन पहावा.
- त्याच्या शिरा काढून ते किसून घ्यावेत.
- एका पातेल्यात फोडणी करून त्यात हिंग, हिरव्या मिरचीचे तुकडे, आल्याचा कीस, दोडक्याचा कीस घालून चांगले परतावे.
- नंतर त्यात तांदूळ घालून परतावे व
- एक वाफ आल्यावर धणे, जिरेपुड मीठ टाकून मंद आचेवर भात शिजत ठेवावा.
- थोड्या वेळाने त्यावर थोडे ताक शिंपडावे व
- झाकण ठेवावे.
- भात झाल्यावर वाढायच्या वेळी कोथिंबीर व खोबऱ्याचा कीस घालून वाढावे.
- हा भात शिजवण्याकरिता वेगळे पाणी घालावे लागत नाही.
- दोडक्यातल्याच पाण्यावर व वाफेवरच शिजल्यामुळे त्याला एक वेगळाच रुचकरपणा येतो व भाताला रंगही चांगला येतो.
- भात झाल्यावर त्यात वरून थोडे तूप (साजूक) टाकून वाफ आणल्यास त्याला जास्त चव येते.
- हा भात जेवताना तुपाबरोबर
- चांगला लागतो. वेळेवर पापड भाजून वाढावे.
कैरीचा भात
कैरीचा भात हा भात दोडके भातासारखाच करावा पण दोडक्याच्या किसाऐवजी कच्चा कैऱ्यांचा कीस टाकावा व ताक टाकू नये.
कोणत्याही टिप्पण्या नाहीत
Please do not enter any spam link in the comment box.