गव्हले भात आणि हिवाळ्यातील हिरवाई रेसीपी मराठी | Gavale Bhat Recipe in Marathi | Gavle Rice
उन्हाळा आला की भाज्यांना चव नसते. किती जरी चांगले अन्न शिजवले तरी जेवण जात नाही. अशावेळी काहीतरी चवदार पदार्थ केले तर जेवण जाते व भाज्या साध्या केल्या तरी चालतात. शिवाय जास्त मसालेदार पदार्थ चवदार असूनही उन्हाळ्यात त्याचा त्रास होतो म्हणून जेवणाकरिता भाताचा साधाच पण आगळा वेगळा प्रकार केला तर भाजीपोळीला पुरवठा होतो व जेवणात चव येते.
साहित्य-
- चार वाट्या चांगले गव्हले,
- १ वाटी तूप,
- ओल्या नारळाचा कीस,
- ५-६ लवंगा,
- ५ वाट्या साखर,
- वेलची पूड,
- ५-६ बेदाणे,
- ५-६ बदाम,
- थोडे केशर
- किंवा खाण्याचा रंग.
कृती-
- जाड बुडाच्या पातेल्यात तुप टाकावे.
- तूप गरम झाल्यावर लवंगा टाकून गव्हले थोडेसे परतून घ्यावेत.
- गव्हल्याच्या दुप्पट पाणी घेऊन उकळी आल्यावर ते गव्हल्यावर टाकून गव्हले शिजवावेत.
- गव्हले फार मोकळे शिजवून घेऊ नये.
- कारण हा भात जरा मऊसरच चांगला लागतो.
- खोबरे व साखर शिजवून त्यात हा भात घालावा.
- वेलची पूड, काजू, बदाम, टाकावेत.
- बाकी कृती साखर भाताप्रमाणेच.
- हा भात फारच रुचकर लागतो व
- इतर भातापेक्षा वेगळा आहे.
- जेवताना चव येते.
कोणत्याही टिप्पण्‍या नाहीत
Please do not enter any spam link in the comment box.