मटार पराठा रेसीपी मराठीत | Green Peas Paratha Recipe in Marathi | How to make Matar Paratha | Stuffed Paratha
साहित्य-
- अर्धा किलो मटारचे दाणे,
- एक चमचा आलं लसूण पेस्ट,
- बारीक चिरलेली कोथिंबीर
- मिरची,
- एक चमचा ओवा,
- तेल,
- चवीपुरते मीठ,
- कणिक,
- मैदा.
कृती-
- मटार सोलून दाणे धुवून चांगले बराच वेळ निथळत ठेवावेत.
- मिक्सर मधून बारीक करावेत.
- नॉन स्टिक पॅनमध्ये तेलावर आले.
- लसूण यांची पेस्ट हिरव्या मिरच्यांचे बारीक तुकडे घालून त्यावर मटाराचा लगदा घालावा.
- मीठ व ओवा घालून परतावे.
- अगदी सुके होऊ द्यावे.
- वरून कोथिंबीर घालावी
- कणिक मैद्याच्या चाळणीने चाळून घ्यावी.
- त्यात अर्धी वाटी मैदाही चाळुन घालावा.
- मोयन घालून कणिक भिजवावी.
- गोल पोळी लाटून त्यात एक मोठा चमचा मटाराचे सारण भरून हाताने सर्व बाजूने व्यवस्थित बंद करून सुकी कणिक लावून हलक्या हाताने पराठा गोलाकार लाटावा.
- दोन्ही बाजूने तूप सोडून खमंग भाजावा व दह्याबरोबर खावा.
कणिक भिजवणे-
पराठ्याची कणिक जरी साधी पोळ्यांच्या कणिकेसारखीच भिजवायची असली तरीही ती भिजवल्यानंतर थोडे थोडे तेल व पाणी लावून तळहाताने किंवा बोटांच्या मागच्या बाजने दहा ते पंधरा मिनिटे तिंबावी व नंतर अर्धा तास झाकून ठेवावी. कणिक जितकी मऊ तेवढा पराठा खुसखुशीत होतो.
टीप:-
- सारण पूर्ण थंड झाले पाहिजे.
- मुळे, फुलकोबी इत्यादी भाज्यांचे पराठे करावयाचे असतील तर जास्तीचे मीठ, कोथिंबीर, आले लसूण व हिरवी मिरची यांची पेस्ट, ओवा व मोयन कणिकेतच घालून कणिक भिजवावी.
- कारण जर या भाज्यांच्या किसात मीठ घातले तर थोड्या वेळाने त्या भाज्या पाणी सोडतात
- व पराठे फुटतात.
- मुळ्याचे पराठे करताना मुळे धुऊन वरची साले काढून, किसून घट्ट पिळून घ्यावेत
- व वर सांगितल्याप्रमाणे कणिक भिजवावी.
- मुळ्याचा किस घालून भरून पराठे करावेत.
- कोबीचे फूल स्वच्छ धुवून बराच वेळ चाळणीवर निथळत ठेवावे.
- बुडखाकडून व फुलाकडून पूर्ण पाणी निथळून गेल्यावर कोबी किसावा
- व पराठे बनवावेत.
- बटाट्याचे पराठे बनवताना बटाटे उकडून साले काढून घ्यावीत.
- कांदा बारीक चिरून घ्यावा.
- आले लसूण व मिरची यांची पेस्ट करून घ्यावी.
- कढईत प्रथम थोडे तेल घालून त्यावर ती पेस्ट व कांदा गुलाबी रंग येईपर्यंत परतावा.
- त्यातच मीठ घालावे.
- ओवा व बारीक चिरलेली कोथिंबीर घालावी.
- बटाट्याच्या बारीक फोडी करून घालाव्यात.
- थोडा वेळ परतून घेतल्यावर गॅस बंद करावा.
- थंड झाल्यावर हाताने एकदम बारीक कुस्करून त्याचा एकजीव असा गोळा तयार करावा व कणकेत भरून पराठा लाटावा.
- कोणताही भरवा पराठा बनवताना कणिक मैद्याच्या चाळणीने चाळून घ्यावी
- व त्यात थोडासा मैदाही चाळून घालावा म्हणजे पराठा उकलत नाही.
कोणत्याही टिप्पण्या नाहीत
Please do not enter any spam link in the comment box.