खस्ता कोथिंबीर वडी । Kothimbir Vadi Recipe in Marathi step by step
साहित्य -
- १ पाव कोथिंबीर,
- अर्धा पाव किसलेले खोबरे
- छोटे दोन चमचे भाजलेले तीळ,
- भाजलेली खसखस दोन चमचे,
- बारीक केलेले शेंगदाणे १ वाटी,
- हिरव्या मिरच्याची पेस्ट,
- १ चमचा आले लसूण पेस्ट,
- दोन छोटे चमच लाल तिखट,
- १ चमचा हळद,
- चवीपुरते मीठ,
- एक पाव मैदा,
- अर्धा पाव रवा,
- एक वाटी चण्याच्या डाळीचे पीठ
- तळण्याकरीता तेल.
 |
| खस्ता कोथिंबीर वडी । Kothimbir Vadi Recipe in Marathi step by step |
कृती -
- सर्व प्रथम कोथिंबीर धुवून स्वच्छ करून बारीक चिरून ठेवावी (चाळणीत) पाणी निथळून जाईल.
- नंतर मैदा, रवा, बेसन मिसळून त्यात गरम तेलाचे मोहन टाकावे.
- चवीपुरते मीठ, किंचित तिखट, हळद घालून थंड पाण्याने भिजवून ठेवावे.
- सारण तयार करावे.
- सारण तयार करताना सर्वप्रथम कढईत तेल घालून जिरे, मोहरी टाकून तेल गरम झाले की नाही ते पहावे.
- त्यात हिरवी मीरचीची पेस्ट, आलं लसणाची पेस्ट, तिखट, मीठ, हळद घालून छान तेलात होऊ द्यावे.
- झाल्यानंतर खोबरे कीस, तीळ, खसखस, शेंगदाणा कुट घालून छान परतून घ्यावे
- त्यात बारीक चिरलेली कोथिंबीर घालावी.
- हे झाले सारण तयार.
- भिजवून ठेवलेल्या पीठाची गोळी करून पुरी लाटून घ्यावी
- त्यात तयार झालेले सारण ठेवून त्याचा रोल तयार करावा
- दोन्हीकडील भाग व्यवस्थित बंद करावा
- आणि कढईत तेल टाकून त्यात हे रोल तळून घ्यावे.
- कमी आचेवर लालसर होऊ द्यावे.
- कढईतील रोल काढून त्याचे तुकडे करावे
- किंवा तसेच ठेवावे गरमागरम वडी तयार.
- हे सारण फ्रीजमध्ये आठ दिवस राह शकते.
- पीठ मळून ठेवल्यास झटपट वड्या तयार करता येतात.
कोणत्याही टिप्पण्‍या नाहीत
Please do not enter any spam link in the comment box.